تقييم جودة رقم واتساب وحدود الإرسال: إزاي تحافظ على رقمك

Meta بتدّي كل رقم على WhatsApp Business API تقييم جودة بيتغيّر حسب تفاعل العملاء مع رسايلك في الفترة الأخيرة. التقييم ليه 3 مستويات:

أخضر (عالي)

العملاء بيتفاعلوا كويس — كمّل

أصفر (متوسط)

بلوك أو بلاغات بدأت تزيد — راجع المحتوى والجمهور

أحمر (منخفض)

خطر تقييد الرقم — وقّف الحملات التسويقية وصلّح السبب

كل رقم ليه حد لعدد العملاء اللي تقدر تبدأ معاهم محادثات (برسايل قوالب) في 24 ساعة. الرقم الجديد بيبدأ بحد صغير، وبيكبر على مراحل — آلاف، وعشرات الآلاف، لحد غير محدود — لما تبعت بانتظام وجودتك تفضل كويسة.

الحد ده على المحادثات اللي بتبدأها انت بس. ردودك على العملاء اللي بيكلموك مش محسوبة منه.

• إرسال لناس ما وافقتش تستقبل رسايلك.
• رسايل تسويقية كتير ورا بعض لنفس العميل.
• محتوى مش متعلّق باللي العميل مستنيه منك.
• قوائم أرقام مشتراة أو قديمة.
• غياب طريقة واضحة للعميل يوقف الرسايل.

• ابعت بانتظام بدل حملة واحدة ضخمة كل فين وفين.
• ابدأ بالعملاء الأكثر تفاعلًا.
• قسّم الحملات الكبيرة على دفعات.
• خلي رسايلك مفيدة وشخصية.
• وثّق حساب الأعمال على Meta.

في فاصلة كلاود بتشوف تقييم الجودة وحد الإرسال الحالي لكل رقم في إعدادات الأرقام، فتعرف قبل أي حملة الرقم يستحمل قد إيه، وتلحق أي تغيير في التقييم بدري.

لو التقييم بقى أصفر: وقّف التسويقي يومين، راجع آخر حملة، وابعت بعدها لجمهور أصغر وأكثر تفاعلًا.