إزاي تنقل من برنامج واتساب غير رسمي للـ WhatsApp Business API الرسمي
رقمك اتحظر أو خايف يتحظر من برنامج إرسال غير رسمي؟ خطة نقل خطوة بخطوة للـ API الرسمي من غير ما تخسر عملاءك.
ليه تنقل دلوقتي مش بعد الحظر؟
البرامج غير الرسمية بتشتغل لحد ما فجأة متشتغلش: الرقم يتحظر في نص حملة، وتخسر محادثات العملاء وقائمتك ومصداقيتك في يوم واحد. النقل وانت لسه شغال أسهل بكتير من البداية من الصفر بعد الحظر.
الخطوة 1: وقّف البرنامج غير الرسمي
أول حاجة، وقّف أي إرسال آلي من البرنامج القديم، وافصل أي ربط QR على الرقم. استمرار الإرسال الآلي وانت بتنقل بيعرّض الرقم للخطر.
الخطوة 2: خد نسخة من جهات الاتصال
- صدّر قايمة العملاء من البرنامج القديم في شيت (الاسم والرقم).
- خليها العملاء اللي اتعاملوا معاك فعلًا أو وافقوا يستقبلوا رسايلك — شيل الأرقام المشتراة أو القديمة.
- ارفع الشيت في فاصلة كلاود من استيراد جهات الاتصال (CSV أو Excel)، ومعاها الوسوم لو حابب تقسّمهم.
الخطوة 3: اربط الرقم بالطريق الرسمي
من خلال Embedded Signup الرسمي من Meta جوّه المنصّة: حساب الأعمال، حساب واتساب بزنس، اسم العرض، وتفعيل الرقم. لو الرقم اتحظر من البرنامج القديم، ابدأ برقم جديد على الـ API.
الخطوة 4: حوّل رسايلك لقوالب معتمدة
الرسايل اللي كنت بتبعتها بالبرنامج القديم لازم تبقى قوالب معتمدة من Meta. صنّف كل قالب صح: تأكيدات وتحديثات = Utility، عروض = Marketing.
الخطوة 5: ابدأ الإرسال بالتدريج
- الرقم الجديد على الـ API بيبدأ بحد إرسال صغير، وبيكبر لما تبعت بانتظام بجودة كويسة.
- ابدأ بالعملاء الأكثر تفاعلًا وبرسايل مفيدة (تأكيدات، تحديثات).
- وزّع الحملات الكبيرة على دفعات.
- تابع تقييم جودة الرقم بعد كل حملة.
أول أسبوعين أهم فترة: الجودة فيهم بتحدد سرعة كبر حدودك.
اللي هتكسبه بعد النقل
- مفيش حظر بسبب الأداة.
- فريق كامل على نفس الرقم بدل موبايل واحد.
- تقارير تسليم وقراءة لكل حملة.
- ربط مستقر من غير QR بيفصل.