واتساب للعيادات والمراكز الطبية: الحجز والمتابعة من غير زحمة تليفونات

أغلب الاتصالات اللي بتوصل لأي عيادة نفس الأسئلة: المواعيد، الأسعار، العنوان، والحجز. والاستقبال بيقضي اليوم على التليفون، والمريض اللي مش بيعرف يوصل بيروح لمكان تاني.

• ترحيب وقائمة: "المواعيد والأسعار"، "احجز كشف"، "نتايج التحاليل"، "كلّم الاستقبال".
• إجابات جاهزة للمواعيد والعنوان والأسعار.
• جمع بيانات الحجز (التخصص، اليوم المناسب) وتحويلها للاستقبال يأكّد.

بدل موبايل واحد في الاستقبال، كل موظف بيرد من جهازه على نفس الرقم، وكل محادثة ليها مسؤول. ولو عندكم أكتر من فرع، كل فرع بيدخل على رقمه بس.

تذكير المريض بميعاده بيقلّل الغياب. رسالة التذكير بتتصنّف Utility (أرخص بكتير من التسويقي)، وبتتبعت بقالب معتمد زي: "أهلًا {{1}}، تذكير بميعادك يوم {{2}} الساعة {{3}}. للتأجيل رد على الرسالة دي."

تقدر تبعتها للمريض من صندوق الوارد، أو لمجموعة مواعيد اليوم كحملة. وجوّه المنصّة تقدر تحط تذكير لنفسك على المحادثة عشان تتابع مع المريض في ميعاد معيّن.

إرسال تذكير تلقائي لكل ميعاد من نظام الحجز بتاعكم بيحتاج ربط مباشر بالنظام — كلّمنا لو محتاجه.

المريض اللي بيبعت بالليل ياخد رد فوري بمواعيد العيادة وإن الاستقبال هيرد عليه أول ما يفتح — بدل ما يحس إنه اتجاهل.

• كل موظف بحسابه، وصلاحياته على قد شغله.
• لما موظف يسيب الشغل، تقفل حسابه — المحادثات بتفضل عند العيادة مش في موبايله.
• متبعتش تفاصيل طبية حساسة في رسايل حملات؛ خليها في المحادثة المباشرة مع المريض.