إدارة أكتر من رقم واتساب للشركة في مكان واحد

• رقم للمبيعات ورقم لخدمة العملاء.
• رقم لكل فرع أو مدينة.
• رقم لكل علامة تجارية أو نشاط.
• رقم للحملات ورقم للدعم عشان جودة رقم الدعم متتأثرش.

لما كل رقم على موبايل مختلف، الإدارة مش شايفة الصورة كاملة، والعميل اللي كلّم رقم المبيعات وبعدين رقم الدعم بيبقى عند فريقين مش عارفين بعض. ولما موظف يسيب الشغل، الموبايل والمحادثات بيمشوا معاه.

على WhatsApp Business API تقدر تربط أكتر من رقم في حساب واحد على فاصلة كلاود. كل المحادثات بتوصل لمكان واحد، ومكتوب جنب كل محادثة جت على أنهي رقم، والرد بيطلع من نفس الرقم اللي العميل كلّمه.

مش لازم كل موظف يشوف كل الأرقام. حدد فريق المبيعات يدخل على رقم المبيعات بس، وفريق الفرع على رقم فرعه، والإدارة تشوف الكل.

كل رقم ليه تقييم جودة وحد إرسال خاص بيه من Meta. في إعدادات الأرقام بتشوف ده لكل رقم، فتحمي رقم الدعم من تأثير الحملات، وتعرف أنهي رقم يستحمل حملة كبيرة.

نصيحة: خلي الحملات التسويقية على رقم، والدعم والطلبات على رقم تاني.

رسايل Meta بتتحاسب لكل رسالة بغض النظر عن عدد الأرقام، وكل رقم ليه حصة مجانية منفصلة من رسايل خدمة العملاء كل شهر. وفي الباقات تقدر تضيف أرقام زيادة — التفاصيل في صفحة الأسعار.