واتساب للمتاجر الإلكترونية: تأكيد الطلبات وتقليل المرتجعات

في مصر، جزء كبير من طلبات المتاجر الإلكترونية دفع عند الاستلام، وجزء من الطلبات دي بيرجع: العميل غيّر رأيه، أو العنوان غلط، أو محدش رد على المندوب. كل طلب راجع بيكلّفك شحن رايح وجاي.

تأكيد الطلب على واتساب قبل الشحن من أبسط الطرق لتقليل ده — لأن العميل بيرد على واتساب أسرع من المكالمات.

رسالة تأكيد الطلب وتحديث الشحن متعلّقة بمعاملة قائمة، فبتتصنّف Utility — وده أرخص بكتير من التسويقي. في مصر الرسالة الخدمية بحوالي $0.0036 بس.

تأكيد الطلب

"أهلًا {الاسم}، وصلنا طلبك وهنشحنه خلال يومين. رد بـ "تمام" للتأكيد، أو اكتبلنا لو عايز تعدّل العنوان أو تلغي."

خرج للشحن

"أهلًا {الاسم}، طلبك خرج مع المندوب وهيوصلك النهارده."

بعد الاستلام

"وصلك طلبك؟ لو فيه أي مشكلة رد علينا هنا."

• صدّر عملاء طلبات اليوم من متجرك في شيت (الاسم ورقم الموبايل).
• ارفع الشيت في فاصلة كلاود كجمهور للحملة.
• اختار قالب التأكيد المعتمد وابعت — كل عميل بياخد الرسالة باسمه.
• تابع تقرير التسليم والقراءة للحملة.

لو عايز رقم الطلب والمبلغ والعنوان يتحطوا في كل رسالة تلقائي من متجرك، ده محتاج ربط مباشر بالمتجر — كلّمنا ونشوف الأنسب لمتجرك.

ردود العملاء بتوصل صندوق الوارد المشترك، وفريقك بيرد من أي جهاز: يأكّد، يعدّل عنوان، أو يلغي قبل الشحن. والرد على العميل جوّه نافذة الـ 24 ساعة من غير قالب.

الطلب اللي اتلغى قبل الشحن أرخص بكتير من الطلب اللي رجع بعده.

• الرد على أسئلة المنتجات والمقاسات قبل الشراء.
• بوت بأزرار: "منتجات"، "حالة طلبي"، "كلّم موظف".
• حملات عروض لعملاء اشتروا قبل كده ووافقوا يستقبلوا عروض.
• متابعة العملاء المحتملين من إعلانات Click-to-WhatsApp.